【一矢中的】蒲俠超得杭州飛輪

第四場「飛天劍」轉投希斯馬房之後跑四場都接近，今次有力止跌回升。「雷霆戰駒」近四仗跑泥地賽得亞季殿各一，可惜一再姍姍來遲輸際遇，今次終於轉來谷草上陣決心求突破，戰意鮮明可信賴。

第五場「蒲俠超得」上場跑第三名，放到拉士最後一百米先力弱，今次人馬賽前再試課谷閘得第二名，賽前悉心做足工夫上陣，補中絕非奢望。「騰龍超影」季內跑四班谷草千二米有贏有位，九歲馬喜逢第二春，落班即返谷草勝途明刀明槍。

第六場「有視力」上仗大長途谷草二千二百米不敵「大有心得」，後駒再出轉去沙田再贏可見賽事水準不弱，今次賽前試千七米谷閘勝出，縮程跑千八米更合腳法，可打開在港勝門。「彩虹之光」近三場跑谷草一哩兩次獲亞軍未竟全功，上場全程外疊望空輸形勢，韋達早課繼續親自主操，做足工夫而來決心本利歸還。

第七場「戰熊三千」曾接受手術矯正會厭被覆蓋的毛病，上賽復出立即跑第三名證明健康無問題，重新開氣後有力坐正。「零距離」來港五場全部跑谷草千二米，最近四場獲取兩冠一季一殿，三歲馬踏上升軌越戰越勇，憑輕磅有權再接再厲。

第八場「杭州飛輪」初出泥地熱身完轉來谷草千二米啡燈得手，可見一切部署盡在幕後掌握之中，上場四升三班都跑入第三名，汲取一次三班步速後再來，憑輕磅之利有權以下犯上。「精彩輝煌」今季初出谷草千二米不敵「善傳萬里」得第二名，上場小休半年復出跑直路賽得第五名，重新開氣之後返谷草賺埋體力，今次係時候見真章。

第九場「一定美麗」澳洲自購馬當地兩戰兩勝身價不菲，來港初期養成慢閘毛病，之後加程千八米上陣無功而回，直至上次縮程一哩順利贏馬，今次渡江上陣對手唔強，沿留三班角逐有力添食。「勝賢」近三場田草千四米獲兩冠一亞，四升三班照贏如儀，今次轉來谷草上陣也合發揮，方廄爭冠軍籌碼必拚無疑。