（香港文匯網）敖嘉年、蔡國威及阿銀昨晚出席《星級靚聲演唱廳》Music live show，敖嘉年表示跟蔡國威和阿銀早於27年已認識，當年大家因參加一個歌唱比賽而認識，阿銀得第二名，而他跟蔡國威就冇獎，今次是他們相隔27年後首度合作。

蔡國威表示今次做liveshow感到很大壓力，他笑說：「因為敖嘉年要求大家唱返當年參選歌曲外，又揀咗啲有難度嘅歌畀我唱，佢揀咗張學友同鄭中基合唱歌《左右為難》，你話係唔係為難我？又問我有冇耳機，我話我邊有戴過耳機，我又唔係歌手。」

敖嘉年笑言有他在旁毋需擔心，加上有和音天后阿銀坐陣。蔡國威笑言要跟阿銀學唱歌，但學費要收平一點。阿銀就大讚蔡國威唱歌好勁，不用學唱歌。

談到可會合作拍劇，蔡國威表示跟敖嘉年之前有份參演無綫新劇《夥記辦大事》，惜沒有同場演出，希望將來有機會同場拍劇。