【娛網】胡鴻鈞腳傷康復理想

香港文匯報訊（記者 梁靜儀）胡鴻鈞（Hubert）之前在流浮山拍攝新版《十月初五的月光》期間不慎扭傷腳致骨裂，幸好腳傷康復情況極理想，日前他更與羅天宇一齊拍攝一場踩單車戲。

Hubert表示腳傷康復進度理想，未有影響拍攝進度 ：「好感恩，隻腳雖然仲有痛， 但康復進度非常理想，行路、揸車同拍踩單車戲份都冇問題，但仲未可以跑，不過有信心好快可以好返。」他表示自小已喜歡踩單車，之前去外國都有踩單車四圍去，更會自行修理單車。

今個農曆新年，Hubert 難得有4日假期，他笑言放假比開工還要攰：「有種感覺係掛住返工，發覺原來拜年仲攰過返工，放假嗰幾日都唔係休息好多，要同親戚拜年同食飯， 其間又要睇劇本，心理上休息多啲，但都係一件開心事，因可以見到好耐冇見嘅親戚朋友。」