「壹仔」兩名員工被控　涉違法公開張栢芝幼子出世紙

「黃媒」近年來不斷抹黑政府和警隊，以惡意剪裁、顛倒黑白、無中生有、斷章取義等「報道」手法，企圖挑動公眾情緒，製造社會不滿和對立，宜家又涉違法攞人哋嘅個人資料私隱。2018年40歲女藝人張栢芝公開其第三名仔仔出生，但係一路都無交代生父嘅身分，其後更加喺2019年1月，被雜誌《壹週刊》（「壹仔」）刊登其仔仔嘅出世紙同埋資料。

消息指，2019年10月接獲一機構轉介投訴個案，指有人於同年1月，未經他人同意下發放其個人資料。警方經調查及諮詢律政司意見後，今年1月旬，已向兩名分別為壹傳媒記者及編輯、以及兩間公司發出傳票，分涉「披露未經資料使用者同意而取得的個人資料」及「協助及教唆披露未經資料使用者同意而取得的個人資料」罪，案件將於下週一（22日）在觀塘裁判法院提堂。

唔少網民睇到並狠批「壹仔」，「毒果最鍾意做埋啲衰嘢」、「黃媒除咗好事乜都做齊」、「最衰佢哋成日攞把道德尺去量度人、自己啲衰嘢就唔講」、「壹傳媒就係咁無道德，黃人成日驚政府攞自己啲『私隱』，其實究竟係邊啲人會攞人哋私隱而加以利用？事實係點，自己睇」。