香港大律師公會主席夏博義近日被揭有濃厚外國政治背景，震驚社會，咁攬炒派咩反應呢？咪就係扮鴕鳥囉。公民黨前黨魁、大律師公會前主席余若薇就俾人挖返過往言論，原來佢曾經因為大律師公會前主席袁國強出任廣東省政協而「倒袁」，今日就唔出聲，明顯又俾回力鏢打臉。香港文匯報記者噚日亦WhatsApp余若薇查詢，雖然余若薇有上線，但就冇回覆記者，大家明啦。

回帶2008年，時任大律師公會主席袁國強因為出任廣東省政協，俾攬炒派鬧爆，仲發生「倒袁」風波，余若薇當時就話，袁國強出任政協「會令公眾對大律師公會主席一職的角色產生混淆」喎。

網民寸未諗到點答

今時今日余若薇一句聲都冇出，網民「Chan Chun Fun」就揶揄︰「余：仲諗緊……點答？」「Bobo Leung」就話︰「全部都係蛇鼠一窩冇個好人。」「Kevin Chan」就認為政府應該做嘢︰「唔好比（俾）市民覺得無能，乜都做唔到，只會比（俾）人圈住果（個）鼻哥走。」●香港文匯報記者 黃書蘭