批王百羽斂財懶理「手足」 網民：食到雙下巴

「『手足』嘅錢係我嘅錢，我嘅錢都係我嘅錢」相信呢句就係攬炒分子嘅心底話啦。自稱「本土派」嘅元朗區議員王百羽，早前因被發現喺選舉豪使489萬而備受批評，「熱血公民」副主席鄭錦滿近日就喺facebook繼續狙擊，問王百羽點解有幾百萬做選舉經費，都唔見佢攞啲錢去幫吓釋囚「手足」，結果成班網民都跟隊鬧王百羽斂財，甚至揶揄佢獨食唔幫「手足」，所以先咁肥喎。

鄭錦滿近日摷返王百羽早前參加「初選」嗰個宣傳post，上面寫住「全港十八區區議員全力推薦」，仲有幾十個支持王百羽嘅攬炒派區議員姓名。鄭錦滿就揶揄：「有400幾萬選舉經費，攞三兩千出嚟幫吓釋囚『手足』就冇嘅名單。」

facebook專頁「無神論者的巴別塔」亦重貼王百羽呢個宣傳帖子，仲懷疑如果佢claim得返全數，係咪要分返畀名單上呢60幾個有份撐佢嘅「手足」：「每人七皮嘢簽字費差唔多啦？」

「讚揚」食血饅最佳示範

網民「Evins Lui」則覺得冇可能：「如果佢要分贓一早分咗啦！洗（使）等到而（𠵱）家？」「Renee Tai」就回覆：「可能當初筆錢係集資呢，攞得返咪派息嚕（囉）。」

「Kwokchun Cheng」就拍晒手掌：「『抗爭』抗到可以一下子多咗半層樓！」「Chung ka wai」亦讚揚：「食人血饅頭的最佳示範，可憐班『手足』，不過唔緊要，永遠有『黃絲』被騙，長做長有」。「海自盡」就話：「新『泛民』，為搵食扮『抗爭』」。

「Wylie Fung」就將佢嘅身形同龐大嘅開支聯埋一齊：「有成400幾萬，所以食到雙下巴都出晒黎（嚟）」。「Trixia Pat」就提到王百羽喺形象設計使咗幾十萬都冇乜效果，建設佢「再拎多二三十萬出來，抽脂整容」。

■香港文匯報記者 雨航