「黃絲」鬧饅頭張欺弱勢 周小龍「事不關己」挨批

只許黑魔放火，不准百姓點燈。「黃絲」不嬲對人唔對事，欺善怕惡。好似早前踢爆「人血龍門」（龍門冰室）老闆「饅頭張」（張俊傑）被指刻薄夥計呃「手足」，家俾「饅頭張」告緊誹謗嘅楊朗，雖然都有唔少同路人幫佢聲討「饅頭張」恰「手足」，不過就惹嚟班「龍粉」打壓。日前，楊朗就被批評用片皮鴨團購嚟「呃」運費，隨後仲俾人踢出facebook「黃谷」。以為佢「呃好大」？原來所謂嘅「呃」，不過係一隻鴨收返三十蚊運費，唔只有白紙黑字寫明，仲要由沙田送到太古，來回四條隧道費。搞到唔少同路人都睇唔過眼，鬧班「龍粉」：「成班死×街淨係識恰弱勢，唔見佢地× d（啲）真人血×得咁有力。」■香港文匯報記者 黃書蘭

「黃店」「Let's Jam 一起果醬」噚日就喺facebook發帖鬧班「龍粉」想借抹黑手足轉移視線：「好×煩呀『龍粉』，初頭唔知仲以為Marco（楊朗）呃左（咗）街坊幾十萬。嗰三幾十隻鴨，每隻收三十蚊運費咪個（嗰）千零二千蚊，覆幾十人訊（信）息都要時間，都要成本，……沙田去太古call van（叫車）連隧道（費）都300蚊啦！唔通D（啲）鴨到咗太古又會自動波識認返個買主嘅，唔駛（使）人安排，唔駛（使）人派嘅，呢啲全部唔駛（使）人工嘅。人哋寫到明明白白點收費，完全唔明點解咁都可以俾『龍粉』攻擊？唔通搞團購就要人做義工？」

「黃絲」中的「龍粉」是非不分，搞到經常狙擊「人血龍門」嘅「Anita Wong」噚日都喺facebook發帖話：「喺香港哋（地）做『手足』，果然係賤過地底泥……」佢仲上載「人血龍門」嘅fb截圖做對比，原來「人血龍門」一個8人至10人分量嘅盆菜都「訂價」1,997元，反而「手足」收三十蚊運費，「都俾班太古乞兒聾衛兵、連衛兵話佢哋食水深呃錢？」

「手足」斥周「生意佬本色」

「Anita Wong」仲上載一張「手足」問想選立會嘅Chickeeduck行政總裁周小龍對楊朗揹住暴動罪都畀「饅頭張」告「有咩睇法」嘅截圖，周小龍竟然回覆話：「我對人家的官司沒興趣。」「Anita Wong」鬧爆周小龍：「如此明哲保身，事不關己己不勞心，咪完全切合佢只對自身利益有興趣嘅生意佬本色囉！」