從美加「爆紅逆襲」亞洲 登上大銀幕 電影版 《皇冠之音》參與釜山影展

香港文匯報訊（記者 李慶全）由王梓軒包辦編劇、監製及主演的英語微短劇《選美兄弟班》（Rags 2 Richmond），2024年12月以網劇形式發布時，旋即3星期內大收逾900萬點擊，隨後拍成電影版名為《皇冠之音》，更邀得影帝曾志偉加盟。

日前王梓軒及薛家燕更現身釜山國際電影節的亞洲內容及電影市場，舉行「Rags 2 Richmond：由微短劇到長篇電影，以及跨媒體 IP 的未來」記者會，吸引不少電影同業與媒體到訪，更遇到同樣出席電影節的陳法拉。家燕姐於會上全程以英語分享，大讚王梓軒唱得跳得亦寫到很好聽的歌，因此自兩年前獲邀拍攝微短劇到電影版亦一口答應：「雖然我已經 76 歲，但係可以參與這齣音樂電影，還是非常高興。」

網劇版是以加拿大史上首個亞裔男士選美比賽為題材的音樂喜劇，來到電影版《皇冠之音》，除了延續音樂與喜劇的元素，更加入兩段感人的親情線，這部份自然是由曾志偉與家燕姐兩位殿堂級前輩撐起，兩人分別飾演王梓軒的嚴厲老爸及女主角 Jennifer Tong 的霸氣母親，他們在大銀幕的演出，令不少觀眾引頸以待。

曾志偉擔任香港小姐競選司儀超過20年，亦曾經出任無綫電視（TVB）的總經理，對電視台選美節目感情甚深，他說：「見到新一代重新演繹呢個（選美）傳統，有得參與其中都好開心，仲有家燕姐呢位老朋友一齊演出，所以梓軒邀請我嗰陣，就一口答應。」他表示看到香港影視團隊同心協力創造更多可能性，感到特別欣慰。家燕姐亦非常高興能與志偉再次合作，這是她首次挑戰英語電影，加上是家燕姐最喜歡的音樂電影：「我年輕嗰陣都拍好多，但係而家香港真係好少呢類電影，所以好多謝王梓軒嘅邀請，佢真係好有才華，由佢做監製我好有信心。最開心係我哋呢套微短劇可以拍成電影，我為佢哋好驕傲，仲有志偉哥飛十幾個鐘頭嚟，同我哋一齊玩，如果去參展，佢應該攞獎添。今次成部戲都講英文，成個電影節活動都講英文，我都應付到啦，志偉哥啲英文好勁㗎，難唔到佢。」這次她的釜山之行，更意外遇到很多韓國影迷，其中活動的工作人員見到家燕姐，突然跪地「示愛」：「佢話好鍾意我，係我影迷，因為睇咗《食神》，我初初都畀佢嚇一嚇，叫佢唔使跪我，不過都好開心大家咁欣賞，有啲人仲話搵我去拍廣告，真係 Very Good Idea！」

一手策劃整個企劃的王梓軒更是感動：「好多謝大家一齊成就呢件事，尤其係邀請到志偉哥，我哋有好多對手戲，由初初好緊張，到而家真係當佢係老竇，無論係演技、待人接物，自己都學到好多嘢。」他指整個企劃由零開始走到大銀幕，除了釜山國際電影節亦到獲邀出席加拿大電視電影協會的論壇：「見到現場坐無虛席，令我更加有信心，可以用唔同嘅方式去建立觀眾群。第一次喺西方製作電影，出發嗰陣都好緊張，後來，有觀眾同我哋講，佢哋覺得自己被看見，呢個比任何嘢都令我感動，所以𠵱家我要帶住《皇冠之音》東行，返去更貼近我們個根嘅地方。」