《死有對証》眾主演出席宣傳活動 陳曉華有意開花店 馬貫東勉踏出第一步

香港文匯報訊（記者 梁靜儀）陳曉華（Hera）、馬貫東、阮浩棕、陳熹潼及王菲等，昨日出席無綫劇集《死有對証》宣傳活動。現場一眾演員重演劇中掌摑場口，Hera更以鮮花遮面與馬貫東扮借位錫錫。

現場播出馬貫東因女友王菲出軌而提出分手的片段，他笑說：「冇得接受，都可以分手咗先。」受訪時被問到現實中遇到同樣事情會如何，他說：「冇得傾！我肯定冇試過，我唔可以出軌，聽過都想鬧人。」Hera則表示會視乎對方解釋而定，細個會聽解釋，長大後就唔好聽太多。問到男友與異性傾電話得唔得？她說：「傾多啲啦，我𠵱家係鼓勵嘅。如果有朋友話鍾意同異性傾，我都覺得可能有感情煩惱，鼓勵做咗先，做咗之後就會知自己想點。」馬貫東笑指她似有第二個意思，Hera舉例說：「好似朋友食好多煎炸嘢，以前會話唔好食咁多，𠵱家會話食多啲，開心就得，以退為進反而有效。」談到在台上收到花，Hera表示很喜愛鮮花：「都鍾意收花，自己成日買花，之前學過插花，有幻想過開花店，但𠵱家忙拍劇，未敢踏出第一步。」身旁經營寵物美容生意的馬貫東即鼓勵她：「唔踏出第一步就永遠唔會有你嘅花店。」又笑言可考慮在他的店旁開，他可幫手看舖。

阮浩棕被問到前女友何沛珈被指是「雙面人」，他維護女方說：「真正認識佢嘅人知道佢係一個好善良、好直率嘅人，唔係講到咁樣。」他又表示《死有對証》播完後手上已無存貨，但不擔心，公司已有安排，自己非常信任公司。他透露有朋友找他洽談男士手袋生意，雖然未做過生意，但讀過商科，想嘗試，不過重心仍以演藝發展為主。陳熹潼於活動上扮掌摑劉頌鵬入木三分，她笑指讀演藝學院時有幾堂專門教掌摑，現實中亦有學功夫，學過大聖劈掛，純粹為自衛。她表示未試過打男人，反而試過為演出被男對手掌摑：「演出9場，打足9場，每次打三四巴，所以𠵱家顴骨咁高。」她早前自爆已離婚3年，坦言離婚初期不願多談，現已收拾心情可以交代。問到可準備好接受新感情？她笑說：「順其自然，唔抗拒，擇偶條件係錫屋企人嘅暖男、同我一樣鍾意宅喺屋企，希望係圈外人，我鍾意黐身。」