甜品控必去！90分鐘蛋糕無限任食　食4件就回本

嗜甜如命的「螞蟻人」有福了，平日離不開甜品，今次畀個機會你食到滿意為止！Italian Tomato Cafe驚喜推出「90分鐘人氣蛋糕無限任食」優惠活動，成人只需138元就可無限享用各款件裝蛋糕，加多30元仲可以無限暢飲特色飲品。位於銅鑼灣的餐廳「汐」同樣有甜品放題，惠顧主食再加28元即可任食店內共7種蛋糕及忌廉泡芙。快來盡情享受誘人的甜品滋味吧！

「汐」主食加28元任享甜品

位於銅鑼灣耀華街3號百樂中心13樓1303號舖的餐廳「汐」主打西式咖啡與日式丼飯的融合概念，店內裝潢採用溫馨的木系風格，獨特的榻榻米座位為食客營造出溫馨舒適的氛圍。店內的主食有丼飯與意大利麵可選，必點「蟹膏甲羅燒醬油漬角切三文魚丼」（148元），藍色米飯堆成富士山造型，雲朵蛋白及蛋黃模擬夕陽，配料方面有濃味蟹膏甲羅燒、角切肥美三文魚、蟹柳絲、中華沙律、粟米粒、紫椰菜等等，整碟色彩超繽紛。店內還供應咖啡及甜點等，重頭戲當屬餐廳的甜品放題，最啱甜品控啦！於星期一至星期四，凡惠顧任何主食，再加28元即可任食甜品放題。甜品種類好豐富，蛋糕類包含抹茶芝士、柚子芝士、伯爵茶慕斯、Tiramisu以及TableMark卷蛋，忌廉泡芙則有朱古力與士多啤梨兩種口味。店內的蛋糕價格在32元及36元之間，賣相與品質都不錯。不過呢，就需要注意不要食太多主食，留點肚子畀甜品。

Italian Tomato Cafe 138元蛋糕放題4件回本

日本連鎖蛋糕品牌Italian Tomato旗下的Italian Tomato Cafe驚喜推出「90分鐘人氣蛋糕無限任食」優惠活動，由即日起至10月8日星期一至四（公眾假期除外）的下午3時至6時30分限時供應，為一眾甜品愛好者提供極具吸引力的蛋糕盛宴。活動適用於Italian Tomato Cafe觀塘APM店、馬鞍山新港城店以及荃灣D.PARK店，食客可在90分鐘內無限享用件裝蛋糕及各種果撻，每位還附送飲品一杯。價錢方面，成人138元，小童98元，每位額外加30元更可無限暢飲（包含特色飲品）。惟每天名額有限，大家需要提早致電訂座！

店內的件裝蛋糕款式豐富，當中「皇牌士多啤梨蛋糕」絕對是招牌必試，士多啤梨、鮮忌廉、海綿蛋糕的經典搭配，令人百吃不膩；鮮果控千萬別錯過「西瓜青提蛋糕」「蜜瓜及赤肉蜜瓜鐵觀音蛋糕」「日本鮮白桃士多啤梨蛋糕」，每一款都能食到滿滿的新鮮果肉，造型更是小巧精緻，讓你少女心大爆發，手機拍到停不下來；喜歡朱古力，記得試試「海鹽焦糖香蕉朱古力撻」「特濃朱古力蛋糕」「黑森林蛋糕」，更有時下熱門的「杜拜朱古力開心果忌廉蛋糕」；想食豐富口感，則有「芒果焦糖脆脆朱古力蛋糕」畀你揀，當中夾入了海鹽焦糖杏仁脆脆，忌廉的綿密與堅果的酥脆交織，一試就愛上。店內的各款件裝蛋糕價格在40元至52元之間，即係大家食4件就可以輕鬆回本！

（來源：《香港仔》2026年9月28日P5）