笑言MV男主角「貨不對辦」 潘靜文：感覺好似姊弟戀

香港文匯報訊（記者 余雁）潘靜文（Sherman）相隔兩年推出新歌《遺憾還是會完》，延續傷心情歌的路線，不過今次增添了一份成熟，對感情、人生的看法也有些感悟，她說：「自己已經28歲，我覺得每個人都會有一啲遺憾，可以係細到旅行有個景點去唔到；又可能大到係拍咗十年拖都唔可以開花結果，又或者單戀咗好耐，粒種子都未萌芽就已經要結束。人人都有不同嘅遺憾，其實我自己都有啲未能完全放低嘅事或人物，所以今次份詞都係出自己嘅真實經歷。」

新歌邀請到徐浩作曲及擔任監製，Sherman表示非常高興：「好開心相隔兩年有新歌出，同埋可以搵到徐浩做監製，以前《聲夢》佢係評判，感覺好似一個遙不可及嘅人咁，但係到今次真係可以合作，個感覺好奇妙！」她又表示在徐浩的指導之下找到自己另一種聲線：「最初我用自己方法唱，反而佢叫我試下『䠋』啲去唱，出到嚟個效果又幾好，我畀屋企人聽，佢哋都認唔出係我。」

Sherman又分享今次錄音找到些小秘訣，她說：「第一次去錄音嘅時候，我覺得自己都未入狀態，到第二次嘅時候，我着咗對平底嘅波鞋同埋食咗飯先過去，我發覺原來真係要有米氣到肚先夠力去唱，哈哈！」

既然是傷心情歌，MV當然要有男主角，Sherman笑言在造型上要花心機配合，她說：「我喺社交平台見搵到佢（MV男主角）覺得幾適合今次MV，點知見到真人原來佢細我幾年，搞到個感覺好似姊弟戀，我唔OK囉，哈哈！所以大家都花咗啲時間去互相就返，拉近個距離。」

Sherman向來身形纖瘦，但她竟然要為今次MV特意減肥，因拍攝飲食節目及去旅行胖了3公斤。她又分享這段時間累積了更多幕前拍劇的經驗，對今次拍MV很有幫助，學會了更多技巧去表達情緒。