Eason楊千嬅重聚雞啄唔斷 曝梁漢文保姆車食嘢特技

香港文匯報訊（記者 子棠）為慶祝「華星唱片」成立55周年開設的「星塵55」頻道，新一集邀來昔日「華星三寶」陳奕迅（Eason）、楊千嬅與梁漢文，三人一碰面即雞啄唔斷，笑聲不絕。

三人年紀相若，加上在上世紀九十年代同屬事業衝刺期，經常一起出席活動，因而被高層吳雨笑封為「華星三寶」，靈感源自街頭小食「煎釀三寶」。他們憶述，首次碰面是在1995年Eason和千嬅「新秀」比賽的慶功派對，同場還有師兄師姐許志安和鄭秀文等，十分熱鬧。其後三人常共乘公司的保姆車跑通告，Eason說：「千嬅最慘，因為佢自己化妝要早兩個鐘起身，公司車第一個接佢，再去接梁漢文，最後過海接我，因為『華星』喺灣仔。收工就放低我先，千嬅最後才落車，返去仲要落妝，即係最遲休息，好慘。」千嬅笑說：「嗰陣唔會諗蝕底，覺得有得做就好好。不過亦試過架車坐滿歌手一齊出去做嘢，好擠，真係要好瘦，縮埋一嚿。」Eason再爆料：「梁漢文出名鍾意喺保姆車食嘢，而杯奶茶就算落糖、攪拌都不會倒瀉，好高技巧。」梁漢文補充轉彎、剎車都無事。

因當年經常一起工作醞釀了《大激想》的三人合輯；千嬅說：「我哋好勁㗎，乜嘢舞都識跳，鳳陽花鼓都跳過，不過𠵱家啲關節唔係好掂，跳唔到。」Eason和梁漢文指最難忘的是拍《大激想》廣告當晚，翻雜誌時竟看到成為主角，並寫他們「不和」，覺得荒謬又好笑。梁漢文指華星像一所音樂學校，有系統地透過新秀發掘人才，多年來為歌手締造經典，一代代延續，也維繫了深厚友誼。Eason補充，連幕後團隊都像舊同學般親切。