萬事以愛兒為先 分工明確 蕭正楠黃翠如笑言曾想私奔

蕭正楠與黃翠如去年誕下兒子「蕭哈哈」，蕭氏夫婦不時分享家庭日常點滴，大受網民歡迎。不過，二人亦有育兒壓力，曾因工作與兒子「蕭哈哈」分隔而感到掛念與內疚，尤其翠如離港一個月，兒子在視訊中哭泣令她心痛。夫妻決定日後一人外出工作，另一人留家陪伴，以免影響孩子情緒。他們亦笑談父親節只要能夫妻共進晚餐已很幸福，萌生「私奔」念頭。 ●香港文匯報記者 阿祖

今年是蕭正楠第二年過父親節，黃翠如笑對丈夫蕭正楠說：「父親節要問個仔點樣對待你！」阿蕭即時反擊：「你走咗一個月拍節目，我𠵱家同佢關係好好，但又好奇怪——佢好黐我，但一定要媽咪抱，如果兩個一齊抱，佢就要媽咪抱！」黃翠如表示，兒子「蕭哈哈」可能缺乏安全感，所以自己一返到家就要抱緊他。至於媽媽重奪地位阿蕭會否失落？他笑言：「最緊要阿仔開心，得到多啲愛。我都應承過翠如，要阿仔愛你多啲，我做朋友都可以。」

黃翠如坦言，以前是陪父母過父、母親節，如今自己也有份，感覺十分奇妙：「上年父親節時，Edwin（蕭正楠）仲抱緊一個軟綿綿嘅BB，但𠵱家已經好大力撐人，手撐腳不停跳，希望我哋嘅BB快啲識行啦！」阿蕭笑指兒子現在仍膽小：「要扶住行三四秒就停，尷尬企喺度笑！」

談到父親節安排，黃翠如笑問阿蕭想去哪裏「蒲」，隨即自答：「其實𠵱家畀我哋兩個出去食餐飯已經好開心，其他諗咗都唔敢做！」阿蕭笑言曾想「兩個出走去私奔」，但最終不敢，怕沒人照顧「蕭哈哈」。他回憶幾星期前與翠如到內地工作兩天，晚上與兒子FaceTime，當時婆婆在餵飯：「佢一見到媽咪個樣就開始谷眼淚，好快就喊出嚟，呢個囝囝情感好豐富。」黃翠如表示，以後要飛就三個一齊飛，但現階段兒子尚小，還是要等他長大後再同行。

翠如未曾想放棄事業

為免影響小朋友安全感，夫婦決定日後只能一人外出工作，另一人留在家中陪伴。此前翠如離港一個月，由阿蕭獨力照顧兒子。他苦笑說，本身已有工作，回家還要湊仔，加上掛念太太，壓力頗大。翠如一個月未見兒子，坦言曾偷偷哭泣：「FaceTime見到阿仔掛住自己喊，好傷心，也好內疚，所以好佩服所有在職媽媽。」她憶述誕下兒子的第一年，要全力照顧小朋友，又要調理身體，幾乎沒工作，但也未曾想過放棄事業。至於阿蕭是否有壓力要照顧全家？翠如笑說：「佢一向都慣咗！」阿蕭則表示：「冇乜分別，不過阿仔好叻，有好多奶粉、尿片贊助，咁就好好多，我哋都好輕鬆！」