釗峰追夢過程曾被母阻撓 張馳豪因傷未能成籃球員

香港文匯報訊（記者 子棠）釗峰、張馳豪、馮熙燮、柯雨霏、IdG Sundae等日前分別到訪東華三院吳祥川紀念中學及基督教香港信義會宏信書院參與校園Show，與同學們分享他們在追夢歷程的轉變。

釗峰透露小時候的「我的志願」已經是歌星，他說：「不過嗰陣畀媽媽檢查功課，媽咪話都冇資源，唔得，唔好發明星夢！於是，我就默默刪咗成篇文改返做『醫生』。」幸好，他未有因此真正放棄夢想，記得初入行錄歌時，以為自己唱得不錯，卻發現自己嚴重黐脷筋：「好唔開心，覺得自己連咁基本嘅嘢都做唔到，大喊咗一場，最後發現係混音嘅問題。」如今終於夢想成真，釗峰自言是非常幸運：「我真係好鍾意聽歌，做完啲歌有知音，就好滿足。」他鼓勵同學放膽發夢，但亦要注意「勿揸乾自己」：「如果握得太緊都好辛苦，所以一定要學識平衡。」

張馳豪兒時夢想做職業籃球員，坦言當時好沉迷打籃球，但因兩度傷十字韌帶令夢想止步：「都係一個幾大嘅挫折，嗰時朝早練波、食飯練波、放學又練波，夜晚都練波，籃球員係我畀自己一個好大嘅身份認同。我有個名叫『傷膝雙膝青年』，因為受傷覺得條路封住咗，後來人大咗會發現，因為有啲路封住咗，反而見到有其他路可以行，呢個先係終身受用嘅嘢。」

柯雨霏工作不穩定曾動搖

曾夢想當律師的柯雨霏直言因為成績不夠好而未能成事，現在做歌手都有動搖過，因工作很不穩定，幸好得到家人支持，並會跟自己說：「如果真係咁叻，就咬牙堅持落去，總有一日會得。」首次擔任校園騷嘉賓的IdG Sundae表示家人也反對她成為女團成員，為此在工作及學業上要爭取最好成績，讓家人知道想做歌手並非兒戲。