修哥自言狀態滿分出騷

香港文匯報訊（記者 梁靜儀）胡楓（修哥）昨早在演出開始前，聯同表演嘉賓肥媽、黃博、張與辰、劉洋等人到紅館舉行拜神儀式，祈求演出順利，吸引大批粉絲一早到場外守候。精神奕奕的修哥表示今天是自己的大日子，心情十分興奮，問到昨晚會否興奮得睡不着？他笑謂：「瞓得着，不過瞓吓又醒咗，再瞓返咁囉，呢個係我習慣。（狀態係咪同你歲數一樣90幾分？）我諗應該100分，OK呀！」

今次演唱會只開一場，以致網上出現「黃牛飛」，門票更被炒高3倍價錢，對此，修哥聞言幽默說：「早啲出聲，等我留返一疊飛由我炒嘛，哈哈！（好多朋友同你講買唔到飛？）有，我都冇辦法，因為每次開演唱會，我只係關注我嘅音樂同我嘅歌曲，我唔理其他嘢，有好多人甚至親戚叫我買飛，我都唔買。（加場或開Part 2？）你話開就開㗎？哈哈！」