呂頌賢榮升監製轉攻幕後 笑言想與呂爵安組「父子檔」

香港文匯報訊（記者 阿祖）呂頌賢近年主力在內地發展，最近更榮升監製轉攻幕後，日前他回港接受訪問分享近况。他坦言現在工作依然忙碌，將首度擔任內地短劇監製，，更直言一直有意轉戰幕後。不過真正投入後才發現幕後工作壓力更大，才發覺原來做演員才是最幸福的，幕後要兼顧好多嘢，「講真我都想返嚟香港工作，希望有人請啦！哈哈哈！」

談及早年曾因肺部感染於ICU昏迷十四天，呂頌賢坦言最擔心太太，「因為佢形容當時衝入醫院就好似睇劇咁！啲人走嚟走去，拉曬簾，插曬喉！我就攤喺嗰度！當時醫生仲話未度過危險期，你話係咪嚇死佢呀！ 」他坦言對生死看得淡然：「如果醒唔返咪冇嘢囉。」

談及經典角色「令狐沖」，呂頌賢坦言早年曾抗拒被反覆提及、與同角色演員比較，後來索性自認「令狐沖」，大家開心，從此不再抗拒。對於「港版木村拓哉」稱號，呂頌賢自謙不及木村般型，估計是當年傳媒製造出來，並透露當年被木村鐵粉鄭裕玲（Do姐）誤認的趣事。「最記得開頭時係木村拍緊《悠長假期》最hit嘅時間，我當時喺化妝間，化妝姐姐突然話木村拓哉嚟喇！Do姐即刻話邊個？邊個似木村？嚇到我呀！跟住佢問係咪我？我話唔係我唔係我！哈哈哈！」而近年亦有人說呂頌賢和呂爵安很相似，他笑言有機會的話，亦不介意「父子檔」上陣。