農夫登紅館舞台引爆笑彈 Twins「找數」做嘉賓

香港文匯報訊（記者 余雁）組合農夫挾「全香港最好笑演唱會」之名前晚登上紅館，成員陸永與C君帶來《富甲天下》《粒粒皆辛苦》《重新找到你》《日出而作》等多首經典作品，又以出道廿年的搞笑功力，為七千名觀眾帶來笑聲不絕的演出。容祖兒、丁子高、Lolly Talk等均有到場支持。

演唱會開場，陸永與C君「只露個頭」從耕地布置中現身，已引爆首個笑彈。陸永笑言：「全香港最好笑嘅演唱會嘛，最好笑喺呢度㗎啦，你哋張飛咁平，我哋個升降台係升到呢度㗎。」C君即接力自嘲：「其實係好事嚟，因為我下身唔係好好睇，我老婆都唔睇㗎。」全場笑聲未落，二人隨「砰」一聲由升降台飛彈而出，氣氛瞬間被推上第一個高潮。觀眾站立，跟着一連串Hip Hop Medley由頭唱到尾，紅館即時化身巨型派對。玄學大師麥玲玲今次也驚喜化身「Hip Hop Queen」力撐農夫。當麥玲玲升上台，全場瞬即進入狂歡狀態。

七千觀眾參與新公司開張儀式

演唱會中段，農夫重磅宣布去年成立公司「農作天下」，並於前晚上演一場七千人參與的「剪綵開張儀式」。C君自豪笑稱：「呢間公司作為行業老字號，早喺2025年已經成立。」陸永加碼爆料：「成立短短9個月，公司佔地幾百呎，已經增設咗電動垃圾桶，佢仲識自己包垃圾㗎！」二人更笑指準備邀請古天樂、梁朝偉、周潤發簽約加盟，隨後C君卻表示：「不過仲未去傾過。」全場即時爆笑。之後農夫下台帶領全場觀眾齊齊進行新公司切燒豬儀式。他們也宣布有新搞作送給所有結了婚的人，農夫聯合張繼聰組「人夫集團」，張繼聰前晚以「人夫集團」身份驚喜現身，與農夫合唱《我連婚都夠膽結》。

另一香港經典組合Twins前晚亦擔任嘉賓，與農夫合唱經典金曲《士多啤梨蘋果橙》。陸永向近日新婚的阿Sa連聲恭喜，阿Sa笑着回應：「多謝，我哋頭先喺台下面睇好high呀，好好笑。」C君即笑言：「話咗你哋Fan Meeting搵我做MC，你要還㗎啦！」阿Sa打趣道：「估唔到咁快要還嘛！」全場笑聲不絕。農夫又大讚阿嬌專程飛返香港撐場極有義氣，最後Twins衷心祝福：「農夫好嘢，繼續支持佢哋。」而演唱會在全場大合唱《舉高隻手》中圓滿落幕。