專訪▎羅啟豪節食操肌練舞備戰紅館騷

羅啟豪（Ramon）將於下月與譚輝智合作舉行演唱會。Ramon接受香港文匯報專訪透露，為了積極備戰，要暫停到內地搵食，節食操肌苦練舞技，又不排除會騷肌。Ramon笑言希望經過今次演唱會，輝智能助他帶出詼諧的一面，自己亦想豁出去。

Ramon指演唱會主打上世紀八十年代金曲，Ramon與輝智特意炮製全新串燒歌《雙星七分吋》，歌名因歌曲時長七分多鐘而定。演出二人獨唱及合唱外，亦加入跳舞環節。Ramon自嘲舞技仍在學習，肢體協調尚待磨合，雖有體操底子，練舞仍周身酸痛。Ramon笑指與輝智的舞技屬不同層次：「輝智係另一個層次，佢係好有諧星細胞，係好豁出去，我暫時仲學緊，但唔係有偶包，我跳得好認真，但誰跳得較好就好難講。」Ramon笑言希望經過今次演唱會，輝智能助他帶出詼諧的一面，自己亦想豁出去。

距開騷只剩一個月，Ramon心情既興奮又緊張，為操弗平日愛到內地搵食的他，近期忍口節食，不單戒吃煎炸食物，多食蔬果，更一日三餐食雞蛋增肌，已有一塊腹肌，目標演出時至少有兩塊腹肌。騷肌與否交由服裝設計師，他笑言「露半球」怕被人嗌回水，露膊尚可。

●香港文匯報記者 梁靜儀

髮型：Henry Ho @M.i. Salon

場地：T.E.P. × 秀樺廚房