楊受成率眾賀摘金像獎 衛詩雅欲嘗試演舞台劇

香港文匯報訊（記者 子棠）衛詩雅（Michelle）憑《再見UFO》奪得今屆金像獎「最佳女配角」，之前已經集齊香港電影導演會、亞太影展、華鼎獎等大獎的她，笑說下年要挑戰歌曲獎項。

金像獎頒獎禮日前圓滿結束，當晚英皇集團主席楊受成即為Michelle舉行after party慶祝，英皇旗下歌手藝人幾乎全員出動，包括霍汶希、陳家樂，曾比特等。Michelle一踏入會場，全場即時尖叫歡呼。而全晚最高潮的一刻，莫過於曾比特跟陳家樂孖住上台，合唱謝霆鋒的《活着VIVA》，全場即時陷入瘋狂，個個跟住又跳又唱，將派對氣氛推向最高峰。

Michelle事後仍難掩興奮，又特別感謝老闆及公司上下的支持：「老闆特登搞party，成班兄弟姊妹仲全部嚟齊，開心又感動。」問到Michelle得獎後受訪時表示想挑戰歌曲獎項，Michelle表示只是開玩笑：「唱主題曲當然係講笑啦，簡直覺得自己口出狂言，唔想因為自己嘅歌聲而影響到電影嘅票房，之後都係想繼續以演戲為重心，繼續等待唔同嘅角色，舞台劇亦都係其中一樣嚟緊想嘗試嘅項目！」