客串英皇星光大道限定店店長 陳家樂落力推銷

香港文匯報訊 英皇娛樂於尖沙咀星光大道的「EEG 25+ 限定店」日前突然出現一位星級店長、就是今晚舉行的香港電影金像獎中，有份各角逐最佳男主角的陳家樂。這次陳家樂客串做一日店長，現場逼到水洩不通，粉絲及遊客爭相舉機拍照，場面墟冚。

當日家樂非常稱職，落力推銷到聲嘶力竭。原本不少粉絲到限定店已經鎖定目標，不過被家樂三寸不爛之舌一出：「呢個袋得返好少咋！」、「呢本校刊唔買一定後悔！」、「呢塊歌詞鏡真係一定要買。」結果個個都乖乖加碼，買多幾樣周邊才肯離開，家樂亦十分識做，有求必應，除了於「校刊」上簽名，亦逐一跟客人合照。

事後家樂搞笑說：「我以為做店長好簡單，點知原來要不停講嘢，要腦筋急轉彎睇吓可以點樣sell多啲產品出去。仲有收錢，我又唔係好識用部機，整整吓成部機反起咗，我以為自己整爛咗，好彩現場店員幫手一cup就cup返好，爭啲以為自己食嘢唔做嘢，做嘢打爛嘢，嚇死我，哈哈。」他更謂，見到本《Yes!》「校刊」，即勾起回憶：「嗰啲係我中學時期嘅回憶，估唔到𠵱家可以喺自己公司嘅展覽買到。」