曾歷重病幾近康復 呂頌賢直認感覺如重生

香港文匯報訊（記者 余雁）呂頌賢近日亮相HOY節目《娛樂頭條E-News Headline》 的訪問，見呂頌賢當天精神奕奕，他分享如今身體已恢復近十成，感覺如重生般，呂頌賢的好友敖嘉年前來探班也大讚對方比以前更靚仔。

呂頌賢去年因肺部細菌感染擴散至多個器官，一度昏迷留醫深切治療部，搶救14天後才康復出院，體重暴瘦約40磅，他透露如今身體好了很多：「之前身體唔舒服，𠵱家努力恢復中，都差唔多（恢復）十成。」呂頌賢的體重亦開始增加，嘉年大讚對方：「仲靚仔過以前，感覺好似人哋生小朋友咁，Reboot（重啟）一次。」呂頌賢也點頭稱是。早前呂頌賢接受敖嘉年主持的節目《橫素全中國》大談素食經，分享其三十年的素食之道：「我點解食素？無咩原因喎，（唔覺得好Dry咩？）一啲都唔Dry，大家唔好誤解吃齋就係青菜豆腐，無乜味，其實唔係㗎，大家可以去見識吓，十年前已經有新式素食，各種花款，調味都無問題。」問呂頌賢會自行下廚還是外出品嘗美食？他說：「我都係鍾意出街食，（老婆會否下廚煮兩味？）佢都係出街食多，試唔同嘅花款嘛﹗」

呂頌賢和敖嘉年不只同是素食愛好者，更是鄰居，喜歡一起駕電單車慢遊，呂頌賢說：「𠵱家唔會追求快感，唔會風馳電掣，係風和日麗，哈哈。」他又謂以前可能會追求車款，如今覺得有合適的就足夠，安全至上。