成都騷全粵語歌單嗨爆 楊千嬅與歌迷真誠相遇

香港文匯報訊（記者 子棠）楊千嬅日前在成都完成2026年「Live MY LIVE 1.0 世界巡迴演唱會」首站演出，兩場演出全數售罄，吸引近七萬名觀眾進場。

今次成都站是體育場舉行，千嬅不單要適應戶外延伸舞台設計，舞台加闊、走位距離倍增，處處機關，考驗的不只是唱功，亦同時考驗體能與專注力。然而，真正令這場演唱會寫下紀錄的，是她堅持以全粵語歌單上場，成為首位在內地體育場級別演出中，以全粵語歌單達成雙場售罄的女歌手。在粵語流行曲於內地市場並非最主流的路徑上，她大力推動粵語歌，落力唱出30年音樂旅程。

演出後，千嬅坦承今次在音樂部分的體能消耗遠超紅館，場地增大，無論集中力、表演能量都要加倍，「所以提早到成都排練，戶外大場館真係要用好多能量，體力和精神等，舞台又多機關要留神，自己今次揀嘅歌有啲都唔易唱，好彩天氣未算太熱，我已經開始做定，夏天戶外好熱嘅心理準備。𠵱家每次開騷唔單止練歌，仲要運動、warm up，靈活性要保持住，才會減少拉傷；始終有唔同機關，多咗兼顧嘅事項，為免有危險，係要多啲時間準備。」

相隔一年重返成都開唱，千嬅特意提早幾天抵達，抽空到東郊記憶打卡，多感受這座城市。沿途遇上很多歌迷跟隨，她形容，「呢種真誠相遇，係好難得。佢哋又喺商場自發搞咗好大應援，我去到都嘩一聲，仲大過以前唱片公司喺香港商場搞嗰啲唱片宣傳活動，哈哈，真係好多謝佢哋，幫我留咗好多溫暖嘅個人回憶。」對於今次的巡演，她表示：「暫時冇諗咁多，或做幾多場，當然都有一啲自己未去過開演唱會的地方想去，盡力做囉。最開心嘅係觀眾支持，幾萬人大合唱真係好感動，帶畀我好多能量。」