馮熙燮情歌之外自我探索

香港文匯報訊（記者 余雁）《聲秀》冠軍馮熙燮（Ryan）近日接受新城節目《沿途有我》訪問，Ryan在節目中分享了成長點滴及愛情觀。

作為獨生子，他曾問過爸爸媽媽：「點解只生我一個？佢哋回答『睇吓你幾煩』。我同家人好玩得，我知父母講笑。之後，爸爸同我講，兩歲時，問我想要細佬妹？還是要車？最後答咗『車』。」他笑言：「𠵱家諗起好後悔，點解當年會咁答，在家好悶，想傾偈冇人同自己傾。不過，我都好佩服爸爸，咁尊重兩歲的我。」

Ryan曾在澳洲悉尼大學修讀物理治療，卻因音樂夢想毅然回港發展。他表示自小在教會唱歌，逐漸感染父母支持其音樂路。訪問中，Ryan即場演繹陳奕迅的《月球上的人》，首次挑戰此曲，事前認真思考演繹方式。他獲主持人讚唱情歌十分出色，但第一首單曲偏偏不選唱情歌，反而選擇了《聆聽自己的聲音》，問他下首宣傳歌會否揀情歌？Ryan即表示：「唔會，暫時仍在自我探索階段。」再被追問會否唱情歌給女朋友聽？Ryan即發表單身宣言，直答：「我冇女朋友，所以不用唱畀她聽，反而我有好多家人。（是否渴求有女朋友？）我唔渴求。（你已26歲仔喎？）哈哈，我真係唔渴求，我唔渴求到，就連我啲朋友都擔心。」他指有時間寧願花心機構思新作品給歌迷聽，又反思如何令自己進步，並理直氣壯地說：「我基本容不下愛情！」