陳瀅蔡潔互補備戰澳門騷

香港文匯訊（記者 安夏）由陳瀅、蔡潔（Jacky）主演的限定現場演出「Pillow Talk」將於4月25日晚在澳門銀河舉行。日前二人做客香港電台訪問，分享開Show前的心路歷程。

陳瀅坦言零舞台經驗，今次要在台上面對咁多買飛入場嘅觀眾演出十分緊張，甚至做惡夢演出開場入唔到Key；蔡潔亦表示同樣緊張，但有彼此陪伴更安心，前幾日還特意去看胡定欣的珠海演出取經。

陳瀅說：「我哋兩個都想將個Show做到最好，整個Show的每一個部分，包括歌單同rundown，都係好有心思去諗，所以都會畀自己壓力去表現到最好。希望觀眾到時入場睇到我哋嘅表演，覺得係OK嘅。Jacky好好，因為我哋揀嘅合唱歌，有啲我覺得真係好難唱，Jacky就會話啲高音位OK，由佢負責唱。」

蔡潔說Rap和跳舞部份會全部交給陳瀅：「其餘部份大家可以盡情期待，今次個Show內容會好豐富，有Drama、唱歌跳舞，同埋玩遊戲。不過我對我嘅跳舞部份冇乜信心，其他部份希望可以Backup到。我哋做嘢互相互補，呢個係Teamwork。」

陳瀅覺得透過今次做Show，她和蔡潔比以前有更加多的溝通。蔡潔覺得今次和陳瀅合作，同拍拖有少少似，並表示今次會有好多好朋友到澳門支持。