「菠蘿蓋」破損 林峯後悔沒妥善處理傷患

林峯笑言以前只試過做倒數活動，從未試過深夜在商場與粉絲看劇集大結局：「今次都誇張，我記得對上一次睇結局已經係《溏心風暴》！我收到呢個活動通知時，都有少少驚訝。」談到《尋秦記》將接近一億票房，林峯希望能再衝一衝達成目標，他也沒想過電影上映三個月還在謝票，不過他應該也是最後一次謝票，因要準備投入新戲開工。

林峯將參演《九龍城寨之終章》，他已接受訓練一個月，而他亦為連戲角色「陳洛軍」需要曬黑皮膚，但因時間緊迫，只能靠曬燈，其餘時間留作訓練動作。林峯透露以前拍戲一直留有舊傷患，開拍前能康復多少便多少：「之前右腳上落樓梯有啲問題，去咗照個膝頭，十字韌帶康復咗，但『菠蘿蓋』（髕骨）穿咗個窿，即係食力個位。因為上次整親我唔知，應該冇得搞，靠食止痛藥，都打咗『啫喱』幫到少少！」他慨嘆自己以前不太懂，受傷後沒去處理，一直沒復元，所以他奉勸身邊的朱鑑然都要注意。朱鑑然曾是香港泳隊代表，他表示從前當運動員時，肩、頸、腰都有受傷及勞損的戰績，不過都已經康復，也明白運動前要做好熱身和拉筋。