樂隊ToNick宣布5‧1開戶外Band Show 「後台禁區」搬上台

香港文匯報訊（記者 梁靜儀）闊別香港專場舞台超過兩年的樂隊ToNick宣布回歸，5月1日勞動節開騷，舉行戶外Band Show，除了將「後台禁區」搬上台，並邀請觀眾參與「全場拜神儀式」。

今次演唱會主題《我是你的洗碗機》，正是ToNick四位成員（恆仔、小龜、Ryan、晨曦）步入「成熟男」的心聲：「今次嘅主題係講男女關係，有好多人就算變到阿伯都唔識得同另一半相處，成日吵吵鬧鬧又或者不瞅不睬。點成熟地處理關係並不在於年紀，而係在於心態。到時入場睇吓我哋有乜分享啦！其實ToNick都冇咩大改變，都會keep住做音樂出show、同其他單位合作。我哋同粉絲互相睇住對方成長，𠵱家同佢哋溝通嘅方法亦都唔同咗，唔一定淨係show先見面，可以平時都互相關心吓！」

ToNick「某成員」笑言男人去到某個年紀，最重要是懂得「既來之，則安之」，只要另一半開心，屋企就快樂，世界就和平，所以他們已經做好洗碗抹地、任勞任怨的覺悟。

今次ToNick再度選址西九龍文化區，ToNick興奮指：「我哋嚟過呢到好多次，但今次想透過 Backyard 模式玩啲唔同嘅嘢，想同一千人一齊用『愛』發電，玩爆個場！」