港大開Talk談AI世代 霆鋒認為AI顛覆價值觀

香港文匯報訊（記者 余雁）謝霆鋒昨日接受香港大學未來媒體學院邀請，出席「創意．娛樂．創業：鋒味創新融匯」主題講座，探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁跟霆鋒對談，後設有問答環節，讓霆鋒回答現場同學問題。

講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己『我想做福建菜定係泰菜？定係想做麻辣風味？』；音樂方面就係揀邊種類型，你想做Heavy Metal、Rock定係Jazz？呢一步就好似揀定個大方向，之後從中再發揮。整個思維路徑都係一脈相承。」

霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到就連價值觀也正在被挑戰：「以前大人教我哋要努力工作、努力讀書先有美好未來，但現在有人話工作只係其中一個options（選項），甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」

霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的楊教授突然拿出電話對準他拍照，並說：「呢個係best view（最佳視角）！」哄得全場大笑，就連霆鋒也忍不住笑起上來。

隨後，霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權，他提出其個人見解：「我相信十年後、十五年後，人類已經唔需要再親自出鏡去拍廣告、拍電影。我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」霆鋒認為，時至今日技術上完全做到，現在只差一步，關鍵在於誰願意做「白老鼠」，第一個去嘗試呢個新方向。霆鋒最後寄語大家：「當然大家要去擁抱、接受同點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅experience（經驗）。」