周嘉洛蔣祖曼《正義女神》玩反差

香港文匯報訊（記者 梁靜儀）佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀主演的劇集《正義女神》，昨晚（1日）一集《正義女神》審理了「躁父家暴少女案」及「離島三害案」，其中周嘉洛飾演的鄭邵文裁判官在審理「家暴少女案」過程中，帶出了與家姐鄭邵玲（蔣祖曼飾）的悲慘過去。

近年因《愛．回家之開心速遞》的「廢青金城安」形象深入民心的周嘉洛，今次徹底撇甩金城安味道，收起一貫的嬉皮笑臉，駕上金屬框眼鏡及穿上筆挺西裝，以冷靜、深藏不露、專業內斂的氣場，飾演睿智又充滿城俯及野心的裁判官鄭邵文。

周嘉洛坦言很開心能獲得今次這個新挑戰：「因為對我嚟講係好新鮮有趣嘅事，我冇呈現過呢面畀觀眾睇過。」又笑言因自己是I人，故此其實與鄭邵文有不少相似的地方：「雖然我對外係外向，但其實我私下好鍾意靜，唔係成日講嘢。同埋我同鄭邵文一樣，都係好理性處理事情，冇咩起伏好大嘅情緒，呢個都係我嘅工作態度。」

至於同樣演繹出全新形象還有蔣祖曼（Joman），過往多飾演專業知性女性的Joman，這次演繹心地善良、溫婉、缺乏自信兼內心滿是掙扎的鄭邵玲，處事手法亦比以往角色軟性得多，同樣給出了超強新鮮感。由於Joman之前在《新聞女王2》演繹的霸氣女強人Diana太深入民心，有網民直頭認不出是由同一位演員飾演。

Joman坦言鄭邵玲是其入行以來最溫柔的角色，並透露除了自己在對白方面花了點小心思外，還感激梳化同事的幫忙：「主要都係講對白慢啲、輕啲，同埋真係好感激個造型超級幫到手，令成件事更有說服力。其實作為演員，都好希望每次觀眾都唔認得自己就最好，因為有全新嘅感覺畀到佢哋。」

她笑言其實鄭邵玲呢個角色同自己好似：「雖然我平時講嘢唔係溫柔嘅，但我哋諗法好似，我有朋友睇完套劇都有Send message畀我話『真係同你一模一樣喎』。我都有問佳導（鍾澍佳），點解你咁犀利，知道我心底係個咁嘅人呢？你係咪知道所以咁安排呢，但佢就笑而不語，我都想知佢到底係咁叻，定真係咁巧。」