夥粉絲做動物義工被「包圍 」黃淑蔓遭狗狗奪「熒幕初吻」

香港文匯報訊（記者 梁靜儀）黃淑蔓（Feanna）愛惜小動物，關心流浪毛孩，得知「大樹下善待動物庇護站」面臨資金告急，需要大眾捐款維持日常營運與緊急救援，日前她與Fans帶着貓狗糧食，以及公司同事集資的利是錢，到「大樹下」做義工，又呼籲領養代替購買。

Feanna覺得與Fans一齊到「大樹下」做動物義工很有意義 ，他們一起替狗狗梳毛和餵食，期間被熱情的狗狗「抱抱」索吻，笑言：「無諗過我嘅熒幕初吻係畀咗狗仔，佢嘅熱情同埋衝擊，殺我一個措手不及，佢真係好可愛。」

之後Feanna與Fans帶着零食去「貓舍」，當她坐在梳化上，貓貓立即湧上前討抱，其中一隻成功伏在她大腿上的貓咪，更出手打其他貓要獨霸Feanna，她立即控制場面，左擁右抱，笑言有少少「出軌」的感覺：「唔知返到屋企兩隻貓聞到我身上有其牠貓狗味道，會唔會好嬲？」之後她在衣服上發現一條貓鬚，說：「聽講對着執到嘅貓鬚許願好靈驗，我希望所有貓狗都可以幸福健康！」

Feanna早前因為嚮往貓咪無拘無束的性格，而創作新歌《喵！》，問她會為狗狗寫歌嗎？她說：「如果我要寫一首關於狗狗嘅歌，可能要等我真嘅養咗狗先。其實我由細到大都好想養狗，但要做個有責任嘅主人，每日帶佢落街散步、居住嘅地方，同埋經濟狀況穩定，我才可以再養多一隻新嘅動物，領養前三思，係一生一世嘅責任，諗清楚先才帶佢哋返屋企。」