獲馮允謙「派糖」臉紅 衛蘭邀歌迷年尾紅館見

香港文匯報訊（記者 子棠）衛蘭（Janice）於上周六（21日）在澳門銀河綜藝館完成「OUT OF FRAME」巡演，由於一早宣布澳門站不會加場，12,000張門票火速售罄。闊別澳門7年，Janice特別為此站加入新歌單和舞台效果，並邀得嘉賓馮允謙（Jay）在台上「派糖」；更宣布「年尾紅館見」。

Janice在嘉賓環節邀請Jay出場，暖男Jay帶了一樽印上二人合照的蜜糖送給Janice，Jay說：「知道你開巡迴演唱會，要好好保護把聲，蜜糖就最啱，希望你食蜜糖時望着張相，呢張合照係2021年我哋合作嘅一個騷，到𠵱家仍然係我one of my favorite show。」Jay在台上大讚Janice是一個很Sweet的女仔，搞到Janice面紅耳赤。Janice說：「希望下次可以再一齊開騷，其實香港男歌手之中，我係好鍾意Jay嘅把聲，每次同Jay合唱都好開心，唔知點解同佢喺台上面好有默契。」兩人合唱《家門》後，Jay說：「因為Janice太Sweet，我特別揀咗一首歌獨唱《遠在眼前》，送畀Janice同大家。」

這晚，Janice繼續以細膩的靚聲獻唱多首金曲，更挑戰Rap，又一度走到台前與觀眾近距離握手，令觀眾十分驚喜。演唱會尾聲，Janice突然送上重量級喜訊，宣布將第6次踏上紅館舞台：「有個好開心嘅消息，之後會去我最鍾意嘅城市，返去屋企香港開騷，年尾就會喺紅館同大家再見面。」全場即拍掌歡呼。

當Janice唱畢當晚最後一首歌，觀眾仍不肯離場大叫安歌，Janice亦被歌迷的熱情感動再次登場，任由觀眾即場點唱，最終Janice加碼演唱《雜技》。演唱會後，Janice直言澳門站的氣氛非常好，雖然開騷撞正生理痛，Janice說：「最怕就係開騷遇到生理期不適，不過今次世界巡演，最令我感受到的就係只要堅持便能做到，之前到各地都曾遇過水土不服，但我都一次又一次克服了。另外終於可以宣布返香港開騷，真係好開心好期待，暫時可以透露係香港站唔止歌單會重新調整，整體所有嘢都會係全新。」