宣萱抗拒演性侵受害者 呂爵安最不想演「偶像」

宣萱從演以來，曾在多部影視作品中飾演被挾持的人質，因而有「御用人質」的稱號。對於飾演「人質」，宣萱並不抗拒，反而她最抗拒演「被強姦」的戲份：「唔係因為尷尬，係個感覺唔舒服，因為呢一樣嘢對女性嚟講係幾恐懼，我拍戲時會諗真係發生過喺某個人身上係幾難受，雖然明知係假，但當有個男人壓喺你身上，我會幻想到個感覺，影響好大，最好都係唔好啦。」

MIRROR人氣成員呂爵安作為時下年輕人的偶像，卻表示拍戲最不想演「偶像」角色：「作為演員，當然全部角色都想演，但若果要揀最唔想演嘅，就係演一個偶像，因為作為演員身份都想盡量有唔同角色及感覺帶畀大家。」