龔嘉欣 劉佩玥 相信人生經驗能「豐富」角色

「視后」龔嘉欣最想再重演職業殺手「易蘭」一角：「如果可以再選一次重演哪個角色，我會揀《殺手》嘅『易蘭』，因為那時候自己未做到100分，覺得現在有經驗去熟悉如何去拍打戲，所以想再挑戰多一次，令件事更完美一啲。」至於最怕演的角色，嘉欣笑稱怕再演《靈氣逼人》的女鬼「雲柳芳」，說：「因為做鬼要跪喺地下食元寶蠟燭香，不過都係一個幾好嘅體驗。」

TVB花旦劉佩玥說：「如果要真的揀想再做嘅角色，我會選《幕後玩家》嘅『葉燁』Emma，因為我當時年紀較細，接到角色第一個反應就係覺得『哎吔，我年紀咁細會不會做不到呢？』，但最後很感恩觀眾喜歡，都唔會因為呢個轉型會唔喜歡我，反而覺得我演開甜美角色，然後有咁樣嘅轉變，係一個很大膽嘅嘗試，但其實我係可以再做得好一點。」

至於有什麼角色最怕演的，劉佩玥坦言很怕演學生，千萬不要叫她再穿起校服，即使要她扮年輕也感覺說服力不足，人在不同階段應該要接演適合自己的角色。