開騷忘請陳潔靈 張天賦忙補鑊

香港文匯報訊 大型音樂企劃《歲月如歌》現正於HOY 77台熱播，兩代歌手張天賦（MC）、岑寧兒及尹光日前現身當嘉賓。

選秀出身的MC在節目中，重遇當年選秀節目的導師陳潔靈。MC表示：「當年佢係我哋嗰組嘅導師，佢係掌握我哋所有嘢，佢係我哋嘅大佬！佢決定邊個留低！邊個淘汰！好多謝佢一直愛護我，保護我，我哋都好多年冇見，今次重遇返係好開心，仲好有親切感，另外Miss Chan Chan同我哋都有個約定，有一日佢開演唱會，會請我哋做嘉賓。點知我自己開演唱會嘅時候，我大意到唔記得請佢做嘉賓，我要即刻返公司再討論下呢件事。」

前輩尹光於2023年就作出新嘗試，推出一首《Dear Myself》，尹光稱：「呢首歌非常之受歡迎，仲上到叱咤5強，真係好開心。其實呢首歌都改變咗我嘅歌唱生涯，因為我唔識得唱咁抒情咁柔嘅歌曲，我之前唱嗰啲都係輕鬆，諧趣，rap嘅歌曲嚟㗎嘛，呢隻歌絕對係一個考驗。」