陳家樂角逐金像影帝 衛詩雅「盲撐」好友

香港文匯報訊（記者 梁靜儀）陳家樂與衛詩雅昨日出席新店開張活動。兩人相隔兩年多再次合體出席活動，衛詩雅笑指全因家樂有另一個詩雅：「自從佢結婚後佢就搵連詩雅，唔搵衛詩雅，因為佢同老婆一齊出嚟個新聞大啲，會襯啲，我就同我老公襯啲。」

早前《第44屆香港電影金像獎》公布入圍名單，當日衛詩雅揭曉男主角入圍名單，見到好友陳家樂的名字忍不住爆喊，衛詩雅昨日笑言「老懷安慰」。至於家樂談到得獎信心則說會努力，能有提名已很開心，獲得同業認同是很大的鼓勵。衛詩雅就稱看好家樂得獎：「一定會盲撐，我哋其實一齊成長，入行第一套電視劇已一起合作，希望可以都有好成績。」提到她亦有份提名女配角，又可有信心得獎？她說：「我有信心，但今年對我嚟講係派對，期待多一啲，我都有問老公今年會唔會陪我行紅地毯，因為陳家樂會帶連詩雅行紅地毯，我好想可以四個人一齊喺紅地毯影張合照，好值得紀念一刻，老公話考慮一下，睇當天要唔要工作先。」

不過陳家樂就指太太因出埠工作，或趕不及回港，笑言考慮抱女兒陪行紅地毯，但擔心女兒周圍走。衛詩雅大讚家樂的女兒又乖又聰明，英文比爸爸還要厲害。家樂即叫詩雅不要再講，十分搞笑。