農夫5．8紅館開搞笑派對

香港文匯報訊（記者 子棠）由C君（鄭詩君）與陸永（陸永權）組成的農夫相隔16年再踏紅館，定於5月8日舉行融合音樂及棟篤笑的 「農夫全香港最搞笑嘅演唱會」，顧名思義，主菜是一場大型「集體開心派對」。

農夫笑言：「我哋嘅演唱會唔敢話最好睇、最好聽，但好可能係最好笑，因為人哋啲演唱會係唔講笑嘅。今次目標就係希望觀眾入場，起碼能夠獲得一個開心嘅晚上。」為了令觀眾開心，農夫設計了很多全場「一齊玩」的環節；C君解釋：「只要觀眾開心，歡迎大家入場玩到我謝，由開show玩到鳴謝。」

這次演唱會的海報率先「玩自己」！海報所見，C君與陸永竟然被「埋葬」在泥土之中，只露出兩顆笑容燦爛的人頭，四周更種滿了西蘭菜等新鮮蔬菜，畫面既搞笑又詭異，像是「入土為安」。陸永笑說：「係種生機，我哋一路種自己嘅作品，終於等咗16年才有第二次紅館騷，算有啲生機，多謝大家咁多年嚟幫手栽種我哋。」雖然外間認為他們今次這種超現實的海報是AI合成技術的產物，但農夫指拍攝當日團隊可是「嚟真嘅」。工作人員真的動用大量真泥土將兩人身體覆蓋，只露出頭部。兩人雖然被泥壓身，但仍要保持專業笑臉，非常認真。眼見兩人的造型，少點幽默感都難以接受，但農夫就最擅長將忌諱變成笑話，C君更抵死地自抽水：「啲人話兩個死人頭，今次咪種返生佢哋。」

出道26年，農夫由當年揸住支咪在地下場地Rap，到今日成為廣告商寵兒、大型活動金牌司儀，他們依然保持着那份「貼地」的親民感。他們呼籲入場的觀眾，記得準備好笑聲，齊齊「淋水」，讓農夫這場演唱會茁壯成長。