童年曾參與制服團隊 馮允謙：可磨煉意志

香港文匯報訊（記者 余雁）歌手馮允謙（Jay Fung）前天出席為期兩日「賽馬會青年領袖獎章計劃—JC Badges Market Fair」啟動禮並擔任表演嘉賓。Jay Fung 亦與現場市民互動。

小時候曾經參與過制服團隊的Jay Fung 大讚在場各位團隊隊員：「每次見到制服團隊一大班人一齊去訓練、步操，一齊去搞活動，真係好熱血好開心。喺活動當中可以磨煉意志、學習同唔同人相處、訓練組織能力同解決問題嘅能力。」

他續指，今次看到香港女童軍總會透過「賽馬會青年領袖獎章計劃」為青年提供那麼多元化的體驗，包括創業營商、市集活動和表演機會，覺得非常有意義：「其實音樂都好講團隊合作，同制服團體精神好似。見到女童軍同其他團體嘅年輕人咁投入去籌備活動，真係好感動。呢啲經歷一定會成為佢哋成長入面好重要嘅一部分。」

Jay Fung更笑言：「好似今次呢個活動咁，有機會同朋友隊員一齊學吓點樣創業營商，又有攤位遊戲同表演睇，好豐富。見到女童軍培育出咁多自信又有領導力嘅青年人，真係好鼓舞，相信呢啲經歷一定會成為佢哋成長路上好重要嘅一部分。」