14歲青春女團新年衝出香港 Honey Punch盼校園巡演玩互動

出道半年的跳唱女團Honey Punch由楊芷喬（Casey）、羅子媛（Jacey）、李承殷（Alma）、黃靖瑜（Colour）、李衍蔓（Keira）和胡采倩（Chelsa）組成，平均年齡只有14歲。小小年紀已踏上頒獎台，在樂壇兩大頒獎禮中捧走新人組合獎，前途無限。今年更首度以組合身份過新春，她們分享過年趣事，還大爆誰是隊中「慳家妹」及「烏龍王」。

談及新年最興奮的事，她們開心到跳起說是可以「衝出香港」，獲邀到澳門參加花車巡遊：「咁大型嘅活動，真係好難得！」又預告3月有粉絲聚會，及參與在主題樂園舉行的「全城狗狗行善日」，是首次參加慈善活動，還有意帶自己的寵物同行。成員們還希望有機會到學校巡演：「好想用我哋嘅『騎呢』表演方式同大家近距離玩，應該幾有趣。」

組團半年 隊友互相了解

今年首度以女團身份過新年，還得到老闆「預言」應該逗到好多利是，令她們高興得尖叫：「Yeah！不過最開心唔係錢，係可以同大家講多啲祝福說話，散播正能量！」提到利是錢，較年長的16歲隊長Casey說：「媽咪教我將利是放枕頭底作壓歲錢，過咗正月十五先拆！我習慣一半儲起，三成買嘢，兩成孝敬父母！」問到是否團隊中的「慳家妹」？Casey承認：「我叫外賣會等下午茶時段，因為平『幾蚊』！同埋我本身購物慾唔強，經常話想買嘢，結果都係唔會買，將鍾意嘅嘢放上網購物車就當買咗。」

副隊長Jacey亦稱會與弟弟一起把利是留待正月十五後才拆，但就喜歡買嘢，還被Casey取笑踢爆：「佢好鍾意買嘢，仲好鍾意買完就唔見咗！」Jacey也自爆：「我唔開心都會加嘢入購物車，不過已經加到爆晒額，而且係長期性！」成為團隊中「最大使」成員。

而年僅13歲的Alma被公認為「烏龍王」，Casey補充：「佢成日有烏龍嘢，但總會出現神奇魔法，例如佢肚餓，就會突然有人話佢可愛請佢食嘢，經常都會『傻人有傻福』。」至於14歲的Colour被形容為「純粹烏龍」，因其「烏龍」都是充滿小朋友的童真，Colour就為自己平反：「我一半認同，一半唔認同，我都有認真嘅時候，我食嘢嗰陣就好認真！」此言獲得全團一致贊成：「跟佢搵食，一定好味！」

●●●採、攝：香港文匯報記者 子棠　化妝及髮型：Allen Team　場地：The Steakhaus（太子）●●●