兩度合作默契勝從前 蔣家旻感激李成昌助入戲

香港文匯報訊（記者 梁靜儀）TVB劇集《非常檢控觀》今晚連播結局兩小時，近日劇情講述李成昌飾演的龐喆滿口歪理，叫蔣家旻飾演的女兒龐善昱頂罪，對父親徹底失望的善昱，將龐喆的罪證交給警方。之後善昱到獄中探望父親，龐喆全無悔意，更稱「念在一點親情」就被女兒出賣。善昱眼神略帶怨恨、但不慍不火表示終於明白父親經常說的金句「除咗自己，都係別人」的意思，到了危急關頭，就算至親亦可出賣。最後她才露出奸笑並說「多謝你呀爹哋」，觀眾睇到心寒。

蔣家旻曾憑《美麗戰場》「反骨琪」一角奪「最佳女配角」，當中她被李成昌「霸王硬上弓」的場口，不少網民都稱印象深刻。今次李成昌與蔣家旻於《非常檢控觀》第二度合作並飾演父女，默契更勝從前。蔣家旻說：「今次角色做兩父女，我哋好有默契，唔使warm up，加上劇本好好，我哋都好自然一埋位就進入角色。我記得有一場係我要搞到佢坐監，大義滅親！嗰場戲係兩父女嘅對決，本身我拍嘅時候好緊張。因為得我哋兩個人嘅戲，啲對白都好長，要好專注。」她讚李成昌是一位很友善的前輩，毫不吝嗇「過料」給她：「我好記得當日有啲位NG，佢係好有耐性，會唔介意畀足戲我，由NG嘅位開始，仲要鏡頭唔係take佢，但係佢都願意出100分力，等我容易代入角色。」