粉絲見面會狂派福利 Twins感動爆喊拒退休

香港文匯報訊（記者 子棠）「Twins 25周年1314新春限定粉絲見面會」前日舉行第二場，蔡卓妍（阿Sa）和鍾欣潼（阿嬌）跟Fans玩足整個下午，更於台上又喊又笑，安歌時還清唱12首歌，絕對是新年最正福利。

見面會上，Twins提到以往Fans聚會多數是BBQ或於酒店舉行，阿Sa表示今次是首次出動到製作團隊。當擔任司儀的農夫問到一隊組合如何可以維持25年？台下有Fans搶答是因為有他們；阿Sa笑道：「咁我哋都要靠自己嘅，雖然都係有你哋。」阿嬌附議：「事半功倍，雙贏。」說到相處之道，阿Sa指她們十分幸運，因為二人都是「溫和派」：「我哋真係未試過有好大嘅衝突要嗌交。」阿嬌承認有時會為工作有意見分歧，阿Sa直言：「可能因為我哋都好Hea。」阿嬌默契十足抵死謂：「鬧交好攰。」阿Sa即應和：「係呀，不如留返啖氣去玩。」

在讀留言牆環節，有Fans着Twins不要太早退休；阿Sa斬釘截鐵表示沒此打算。而最感動的環節非播放25周年影片莫屬，全場齊聲高呼二人名字，阿Sa、阿嬌忍不住爆喊：「以前每次出席頒獎禮，你哋都嗌到我哋聽唔到自己唱乜嘢歌，全場最大聲就係你哋，所有回憶返晒嚟。」安歌時，Twins大派福利清唱12首歌。活動接近6個小時，Fans離開前還可以與Twins合照及Hi Touch作結，加上14件小禮物作粉絲福利，令Fans開心表示新年願望成真。