新春禁忌

周家怡每年一到年初一一定會向父母斟茶拜年。至於她的新年禁忌就是新正頭絕對不可以買鞋，並分享親身經歷：「我真係試過有年新年買鞋，以為喺美國嘅outlet買對鞋會冇事，點知嗰年真係唔係幾好，全年冇咩工開，收入自然又唔好，連身體都唔好，所以我現在新正頭一定唔會買鞋。」

陳曉華說：「過年要食年糕和拜年，一家人大大小小一起玩，而我也相信傳統，年初一唔可以洗頭，新正頭唔會買鞋和唔可以講個『輸』字。」

栢天男未回港發展前，一直在澳洲生活，但每年踏正初一零時，他都會跟父母視像拜年；而在初三赤口的日子，他都會特別控制一下自己的情緒：「因為可能新年過得興奮得滯，又或者唔夠瞓，都盡量要控制下情緒唔好鬧交！」此外，他在新年期間整整一個月都不會剪頭髮。