新劇與張曦雯組歡喜冤家 馬貫東享艷福無懼變「公敵」

香港文匯報訊（記者 梁靜儀）無綫新劇《臥底嬌娃》今日到銅鑼灣鬧市宣傳，張曦雯（Kelly）、陳瀅及羅毓儀（Yuki）化身「After Work」臥底女團性感現身，更擺出女團手勢，吸引大批粉絲圍觀。而有份演出，但因講大話扮「A0」遭無綫雪藏的鍾柔美（Yumi），卻未有現身。

Kelly笑言拍劇期間收工後還要練歌排舞，笑言可以出道，擔心日後宣傳要她即場唱歌。她笑稱有時都會登台唔係魔音，但未到可以出道嘅Level，跳舞都OK，因為細個有學過。她又爆Yuki跳舞最差，但其唱歌、玩樂器及角色扮演好叻，唱歌擔當交畀佢同Yumi。

問到Yumi缺席宣傳，Kelly否認對方被雪藏，相信其會出席稍後嘅宣傳活動，並解釋劇中女團有十多人，自己和陳瀅及Yuki才是臥底成員，Yumi是她們要埋身的目標。有指Yumi自降身價唱周年晚宴？Kelly笑言市道靜，自己都想賺外快。

明天是情人節，回復單身的Kelly表示會陪父母，但父母晚上會撐枱腳，自己會在家中陪愛貓及狗，問到可有人約？她笑謂：「睇下聽日有冇啦。」問到馬貫東可會約Kelly？他即派檸檬笑說：「我要入馬場開工，晚上要返舖頭打理寵物美容生意，凌晨過後可以約Kelly。」劇中二人飾演歡喜冤家，有不少身體接觸，馬貫東笑言不尷尬，「好好呀！好多男仔都夢寐以求嘅事。（多咗好多敵人？）我唔介意，為咗有呢啲機會多啲敵人係可以。」Kelly讚他有紳士風度，更爆有場戲要對方摸自己Pat Pat：「事前講明我唔Stop就要繼續，要有效果就一定要差唔多摸到Pat Pat才可以。（你OK？）Pat Pat嘛，佢都有啦。」」馬貫東坦言當時見Kelly遲遲未叫停非常擔心，又笑謂自己被動不尷尬，但做主動就會很尷尬。

身高1.56米的Yuki劇中飾演臥底被質疑身高，她笑言警隊無身高限制。問到有份演出的Yumi缺席宣傳， Yuki指Yumi的戲份稍後才出現。陳瀅估計Yumi稍後會出席宣傳，談到她上月被拍到與圈外緋聞男友Howie一同前往啟德主場館欣賞BLACKPINK香港演唱會，陳瀅澄清對方只是好友，表示：「當日其實仲有JW（王灝兒）與姐姐等人去睇演唱會， 暫時未有新戀情， 自己都好期待馬年會有新戀情。」