現場直擊│羨慕隊友成家立室 姜濤認想拍拖：答唔想會好假

香港文匯報訊（記者 梁靜儀）姜濤、李駿傑（Jeremy）、陳柏宇、許廷鏗、COLLAR 成員王家晴（Candy）、蘇雅琳(Ivy）及男子組合ZPOT，今日到啟德出席《Cantopop321 慈善演唱會》記者會，吸引大批粉絲到場支持。

演唱會將於3月21日於啟德體藝館舉行，演唱會以Canton Disco 為主題，由不同歌手聯同DJ合作，將不同年代的經典金曲及近年流行作品重新 Remix。

Jeremy透露當晚將會跟師弟范卓賢合唱，這是他們第二次合作，自己很欣賞對方，及覺得對方的聲音很好聽，今次合唱反而自己有壓力：「因為要有師兄水準先得，所以大家要一齊努力！」姜濤就稱很開心能跟陳柏宇合作，因為兩人是同一個監製，他們亦很喜歡陳奕迅的歌，所以剛在後台也有商量當晚唱哪一首。

對於早前有傳他約滿後有意「轉會」到另一間唱片公司，開拓海外市場，姜濤即笑指自己是由打籃球轉打匹克球，昨晚才跟梁業與陳立安一起打，自己是打完籃球再去打，不過不是因為操fit，而是純粹覺得好玩。姜濤又否認轉會一事：「唔知喺邊度傳出嚟，我都係睇新聞先知，而家都係Focus喺工作，未來會點？大家都唔知道，我連聽日食咩都唔知道，所以我都係專心做好自己嘅嘢先。（話你想工作自主同北上賺錢？）呢啲都唔知喺邊度傳出嚟，我都有啲好奇喺邊度傳出嚟？我冇特意想喺邊度發展，有任何機會都要珍惜，只要有舞台就會做，至於續約方面，我冇特別傾，因為自己仲未有呢個心思，只想做好今年啲歌，我諗吓陣間返去食咩先，真係諗唔到咁遠嘅將來。」提到跟商台「破冰」，他指這些都是聽公司安排，他大約在3月會出新歌。

對於有「姜糖」投訴他將舉行巡迴演唱會，因場地太小買不到飛，姜濤即笑說：「我又唔係真係好紅，我開到已經好開心啦，我真係冇關心過場地大細，純粹開心有得去就得。」

近日他的隊友邱士縉（Stanley）宣布定婚，姜濤指對方有邀請他去婚禮，不過他不敢做對方的伴郎或兄弟，記者笑指他可做花仔，姜濤說：「可以呀！我未做過，佢邀請我咪試吓，恭喜Stanley！（羨慕對方成家立室？）羨慕呀！（幾時到你？）差唔多，你話將來點知，乜都有機會，所有嘢都有可能。」姜濤坦言都想拍拖，又指若這個時候答「唔想」會好假。問到可有對象？他就笑說：「未，有你哋應該都影到。」