男子涉駕的士用手機被截發爛渣拍片圖公審 網民一面倒撐交警

香港文匯報訊（記者 蕭景源）今日（3日）網上流傳一條短片，內容疑涉及一名的士司機駕駛期間使用手提電話，被一名交通警員截停調查。而拍片者相信就是該名司機，片首一開始即不停催促警員「唔該快少少得唔得阿Sir...」又不停指責警員態度不好，玩針對等，但警員全程表現溫和有禮，更直接指出其因違例使用手機才執法。惟對方一輪粗言穢語，又揚言拍片要「網上見」圖公審。惟片段上網後，卻一面倒被網民聲討不是。

有人網民批評道「又要撩人講嘢野又要叫人收聲。拍片上黎俾人X好X 7」、「又叫人講嘢，人哋講嘅時候又話唔使講㗎啦」。另有網民明言支持警方執法，稱讚「警員EQ高」，「好仲意位阿sir，支持執法！」又稱「阻礙警務人員執行職務，呢位差佬點解要同佢急，接客大X晒，法例無規定抄牌抄幾耐，可以好快，又可以好耐，慢慢檢查下有無改裝，四條輪胎紋，唔使急，最緊要符合程序。」