香港文匯報訊（記者 子棠）周柏豪將舉行全新個人音樂見面會「周柏豪 THE BLOOMING CHAPTER」，首站定於3月14日白色情人節在香港啟德體藝館開鑼，亦是柏豪相隔7年於香港開騷。他直言：「相隔7年，真係有啲耐，屋企人和朋友都不停問我幾時巡返香港？終於可以好開心同大家講，今次由香港出發，第一站就係香港。」他早前為見面會拍攝海報，海報展現其帥氣一面外，還非常有春天氣息，柏豪表示：「對男人來講，我到了40歲呢個年紀，我想應該展現到唔同的一面，一個新嘅綻放，所以海報都係用綻放為題。」
談到今次見面會第一站在香港舉行，柏豪表示：「當然係會有好多新構思，巡迴見面會已經做了近兩年，之前都巡咗好唔同城市，2026年新的一次巡演係自己屋企第一站，個騷內容同製作真係愈搞愈大，因為喺香港做騷限制與跟外面不同，好多嘢可以玩，所以我可以同歌迷講，今次係同上年個巡演好唔同，規模與內容不斷豐富升級，完全不會比正規演唱會『少嘢睇、少歌聽』，甚至在心思、時間和力氣的投入上，我覺得仲比以前演唱會多。」
這次新一輪巡演，他自言放了一千分的力，全情投入跟導演研究，精心設計了好多新環節。問到會否有刺激新玩意？柏豪笑道： 「係喎，我都見到上次Tyson（Tyson Yoshi）玩插水，如果我跳落台，大家係肯定接得住我，我唔怕跳㗎，哈哈。吊威吔我都想，經常都好想試吓台前飛去觀眾席嗰種感覺。」 他又表示，選址於啟德體藝館，也是他與團隊一起挑選，因為體藝館給他的感覺是非常有活力及繽紛多彩，其前身為啟德機場的歷史背景，也讓他感到格外有趣：「我未喺啟德搭過飛機，所以對我嚟講，真係一個好有趣嘅地方。」香港站之後，周柏豪會繼續世界各地新一輪巡演：「我係充滿期待，今次會再去啲新城市，演出之餘，又可以體驗不同文化旅程，讀萬卷書不如行萬里路嘛。」
0
已點過讚
0 / 255