身形愈見「幸福」 家燕姐被乖孫監督飲食

香港文匯報訊（記者 子棠）薛家燕（家燕姐）前日聯同好友安德尊為代言的德國廚具品牌介紹最新廚具產品，更透露迎接馬年的「開運攻略」，提早祝大家馬到功成。

活動上，二人分享健康入廚心得，及少油少鹽的煮食策略。家燕姐更即場示範爆炒牛柳粒，又鬼馬重演電影《食神》「味公主」台詞：「我從來未試過食咁好味嘅牛柳粒！」氹得全場哄笑。她更分享馬年的開運攻略說：「一家人一齊食餐好味嘅團年飯，同一餐好味嘅開年飯，個個都開懷大笑，豐衣足食，咁就年年都行大運啦。」繼而再與安德尊化身開心孖寶現場大派禮物及限量版福袋，提早與大家過肥年。

工作方面，家燕姐表示這幾個星期很忙，拍了一套西片，還到了馬來西亞拍新年歌的MV，是一首配合馬年的跳舞歌。她又鬼馬以安德尊的緋聞取笑對方說：「我準備咗好大封利是，等咗安德尊幾年了，我聽聞佢今年同宋小姐（宋芝齡）好事將近，我話晒都係長輩，係咪要帶佢嚟同我拜年？」安德尊即笑着說：「你哋真係好得閒，成日講埋呢啲嘢。」家燕姐又透露最近經常周圍飛，在外地享受不少美食，令身形愈來愈「幸福」：「Julian（孫仔）見我近來肥咗，即刻開咗個群組，要我每日影低自己食咩，佢話學校教咗個新嘅飲食金字塔，要多菜少澱粉質，所以要睇吓嫲嫲每餐有冇合乎健康飲食，幾有心。」她表示自己都盡量奉行少油少鹽，但美食當前很難忍口：「不過𠵱家有Julian做『小管家』，個孫咁疼錫我，我都要努力啲。」