羅天宇爆與陳懿德父打波投契 陳曉華曾被情緒勒索 學會說不

香港文匯報訊（記者 梁靜儀）藝人陳曉華（Hera）、羅天宇、胡㻗等昨日到清水灣出席慈善高爾夫球賽，大會並邀得特區政府保安局局長鄧炳強擔任主禮嘉賓。Hera近日在TVB劇集《非常檢控觀》中飾演被渣男PUA（情緒勒索）的角色，令她一度自我懷疑，Hera昨日自爆現實生活中她也曾試過被PUA，但現已學會說「不」！

以「仁濟慈善大使」身份主持開球禮的Hera，表示很開心參與活動，也很想學打高爾夫球。說到可找同場的羅天宇的弟弟胡㻗教打波，Hera笑說：「咁就要睇天宇打得叻唔叻，就知道老師叻唔叻，如果天宇打得叻，當然搵胡㻗教啦。」Hera笑言想搵朋友一起學打波，問到會否與緋聞男友朱敏瀚（朱仔）一齊打波？她說：「我唔知佢識唔識打，都唔知佢有無興趣，未問過，不過其實我想搵啲女仔打，覺得女仔可以好傾啲，有種溫馨感覺，我知何依婷有打。」

近日Hera有份主演的劇集《非常檢控觀》正在熱播，Hera在劇中的癲婆角色備受好評，她笑言癲婆唔易做，又強調演得好並非本色演出：「睇返3年嘅戲，發覺可以再做好啲，𠵱家睇返有種得意嘅感覺，嗰陣真係好癲，可能26、27歲仲係年輕，（有冇偶包？）完全冇，如果現在再做應該另一種癲，成熟嗰種癲。」問到其癲婆形象可有嚇到身邊人？Hera笑言反而嚇怕自己，自己也花了很長時間去理解角色被PUA的性格。她又自爆是同情心氾濫的人，現實中也曾試過被PUA，但現學會說不：「我覺得大家都會有呢啲時候，可以被人PUA嘅冇問題，但唔好太多，都要互相幫忙，但唔可以永遠100% Say Yes，有時都要做下No Man，所以現在我會五十五十，因為我大個女啦，開始覺得體力上有限制，同埋我好鍾意瞓覺，要將啲時間留畀自己去休養。」

胡㻗專注做高球教練

羅天宇與胞弟胡㻗難得同場，胡㻗表示近兩年都是跟一位好好的教練做高爾夫球教練，天宇即酸溜溜說：「我以為你話有個好好的哥哥。」天宇又指弟弟是他唯一的教練，但有時都會被對方鬧：「弟弟又好忙，有時兄弟之間都會好忟憎。（佢有冇鬧過你？）有啦，冷言冷語，咁又無影響感情嘅。我哋雖然相差7年，之前靠打籃球拉近距離，但年紀大咗而少打，現在係打高爾夫球拉近距離，佢教得好好。」胡㻗亦讚天宇球技不俗。問胡㻗可想再拍劇？他坦言都想再拍戲，但目前想專心投入高爾夫球事業，並預告之後會開設網上頻道，以粵語講解有關高爾夫球的基本認知，希望令更多人了解這項運動。

天宇的緋聞女友陳懿德（德德）近日送上高爾夫球場款式蛋糕為爸爸慶生，天宇表示當日有工作故沒有出席，也未有送上禮物，他笑說：「下次有機會，會補返。」他又指之前也曾跟德德的爸爸一起打波，大讚對方球技勁，設備又完善，真的對高爾夫球很熱愛：「有時大家見面都會交流心得，反而德德就有冇咩興趣，佢鍾意節奏快啲嘅運動，好似網球，所以同世伯講嘢多過佢。」他又指世伯是高爾夫球會的會長，球會間中都會辦活動，他希望有機會可以專業高爾夫球手的身份參加。