演唱會進入倒數階段 陳松伶壓力爆煲發惡夢

香港文匯報訊（記者 阿祖）陳松伶（松松）昨天到新城廣播接受李有毅（Ben）和兒子李國煒（Benson）主持的《Ben同Benson『Chur』到行》訪問，適逢前日是松松的生日，新城廣播特別送上蛋糕和鮮花為松松慶生，令她開心又感動。松松更許下生日願望：「希望我身邊的人健健康康，永遠陪着我一起。」

問松松的老公張鐸可有和她慶祝生日？松松雖然嫌棄老公的生日祝福「行」，但提起老公就一臉冧爆：「佢身處一個落雪紛飛的地方，但佢拍咗條好行的生日祝福片畀我，我睇完問佢究竟係send畀你老婆定準備發post呢？佢係一個好discipline、好strict的人。」

與此同時，松松正全心投入2月28日在香港灣仔伊利沙伯體育館舉行的《陳松伶演唱會—香港》，距離演唱會只剩一個月，松松坦言團隊目前非常緊張，她本人亦承受巨大壓力，她表示：「我近排經常都發惡夢，經常夢到好似件衫冇扣好就上台，或者跳錯舞步，呢啲都係我好怕嘅事。」

由於久未在香港開個唱，松松預告這次演出將為觀眾帶來驚喜，形容是「耳目一新」，她強調即使重溫舊歌，也會以不同的方式呈現，「雖然係舊歌重溫，但都有好多我哋以前嘅一啲回憶，呢啲回憶好溫暖，係屬於我哋嘅。」

問松松會否邀請圈中好友上台？她笑言：「佢哋唔介意嘅話，我會隨時拉一個上台。」但前提是朋友們必須化好妝。她又感性表示：「每個人都想，因為都差唔多合作咗40年，如果佢哋可以參與到，我已經好心滿意足了。」