張天賦推出另類情歌 表達「小恩賜大美好」

香港文匯報訊（記者 子棠）MC張天賦近日推出今年首支歌曲《無名氏》，新歌講述那些在日常生活中最平凡、最容易被忽略的瞬間，如黑雨中突然為你撐傘的路人，一些明明不需要待自己好的無名氏的善意。

MV中，MC要戴眼鏡和吊威吔扮演外星人。談及拍MV印象深刻之處：「我覺得應該係天氣，因為當日真係異常地凍，但係其他演員都冇得着好厚嘅褸，所以呢個真係好深刻！同埋要吊威吔，因為臨尾結尾一幕就係我需要飛上個天到回歸我嘅星球，還有一齊拍攝嘅小妹妹芊玥！」

對於新歌捨棄愛情題材，以講述不問回報的好人作題材，MC解說：「我話不如唔好寫咁多情情塔塔，寫一啲其他感情類型嘅歌，於是就出現咗《無名氏》。但其實當中我亦都覺得雖然大家都會覺得陌生人嘅一啲溫暖嘅舉動係好surprise 同埋會好感恩啦，但係我亦都想提一提大家，可能呢一啲無微不至或者好細心嘅動作，其實身邊人一直都有做到，但可能因為佢係你身邊親嘅人，所以你無視咗呢一啲溫暖，你或者會無咗呢一啲感動嘅時刻！」 他憶述自己也曾在落雨時沒有帶雨傘遇過好心途人為他遮雨，亦試過在的士拾到電話，他主動聯絡物主歸還！他認為這樣微不足道的小行為，能夠讓人感受到「小恩賜大美好」。

提到2026年的新目標，他透露：「今年計劃做新專輯，同時間亦開始準備新歌，基本上應該每一個月都有演唱會，至於香港就應接近暑假時候會有一個頗大場地表現。」