馮煕燮被批馬年發展「姊弟戀」 吳業坤續約唱片公司仍猶疑

香港文匯報訊（記者 梁靜儀）吳業坤（坤哥） 、馮煕燮（Ryan）今日到坑口出席新春花展會。活動上，二人即場獻唱多首歌曲外，又獲麥玲玲師傅贈言，指他們雖然同樣犯太歲，但對藝人來說也是好事，事業上會再有喜事。

坤哥表示生肖屬馬今年犯太歲，為怕人多要排隊，早已去攝定太歲，他說：「我好尊重傳統，太太都會入鄉隨俗。」說到犯太歲可以做喜事沖喜？他笑指跑完馬拉松都是喜事。2022年結婚的坤哥，曾表示三年後才計劃造人，坤哥笑說：「我個人永遠在改變，好想生B，但今年都好多目標，下星期就去美加做音樂會，之後又拍劇，今年又會舉行入行十周年小型巡唱，正安排去好多唔同地方，想年尾可以在香港舉行，場地不重要，最重要可以見歌迷。」談到他被批再有機會得獎，他坦言都想重返音樂頒獎禮舞台。

坤哥透露會有投資歌曲的意向：「都想自主權多啲，重金打造，暫時同公司（星夢娛樂）都仲有約，（將會唔係？）可能性大家都唔知，都研究中，都到咗續約嘅時間，睇吓可唔可以繼續行落去定自己出嚟努力，所以今年都有幾大改變，（續約會有何考慮？）音樂理念同資源夠，我就非常滿足，呢個年代有得出歌同有人畀錢拍MV已好好，方針好重要，始終做專咗就有自己想法。」問他可有新想法？坤哥坦言好想擁有自己的歌曲版權，問到會否向舊唱片公司買回舊歌版權？坤哥笑說：「我應該買唔起。」

同場的Ryan就被麥玲玲師傅批馬年多桃花，命中又多女貴人，容易爆紅。自言單身的Ryan又被批會有「糾纏型桃花」及有機會與圈中人發展「姊弟戀」，他笑說：「自己仲係新人，都想被粉絲糾纏自己，如果『姊弟戀』係同公司嘅姐姐，我都好幸福，因為冇一個係唔靚。（公司有冇唔畀你拍拖？）其實冇。」