夥陸卓謙甄敏芳備戰演唱會 胡子貝：有壓力才有動力

香港文匯報訊（記者 子棠）胡子貝、陸卓謙和甄敏芳等《聲秀》十六強學員將於本月18日在麥花臣場館舉行的《this is OUR STAGE》聲秀畢業演唱會，日前3人相約到band房夾band，更互相分享了演唱會前的內心感受。

子貝表示：「因為我真係好熱愛音樂，否則我唔會堅持到呢一刻，我覺得有壓力先至會有動力，如果你對自己冇壓力嘅話，你點會進步？作為一個參賽者，最重要當然係唱好一首歌，諗嘅嘢會比較少，但係作為一個職業歌手，我要搵到我自己把聲，等大家可以記住我。」陸卓謙說：「其實呢一刻心情好興奮，因為我都去過麥花臣呢個場館睇過唔同歌手嘅show ，今次自己企喺個台上面，有少少夢想成真嘅感覺。我覺得要不停增值自己，始終我現在只係17歲，我希望我好多方面嘅才華、才能同才藝都可以增值。 自己不斷進步，先至可以畀觀眾每年都會見到一個更加好嘅自己。」甄敏芳則指：「我希望企喺麥花臣呢個舞台嗰陣，大家可以有surprise嘅感覺，感受到我嘅情感係可以感染到大家。希望大家會記得我哋16個學員，同埋記得我。」